برنامج كوتشينج فردي • 8 أسابيع • أونلاين
سلام مع الأكل
إذا الأكل صار طريقتك لتهدّي حالك لما تتوتري أو تزعلي، وبعدها بيجي الذنب… هالبرنامج إلك. 8 أسابيع لنفهم سوا ليش منلجأ للأكل، ونبني طرق تانية نهدّي فيها حالنا، بدون حميات وبدون حرمان.
ابعتيلي «أنا» على الواتسابلأحكيلك كل التفاصيل بالخاص 🤎
خلّينا نبلّش منك
هل هاد إنتِ؟
- بتاكلي لما تتوتري أو تزعلي أو تملّي، حتى لو مش جوعانة.
- بالليل، لما يهدا البيت، بتلاقي حالك قدّام الثلاجة.
- بتاكلي بسرعة أو قدّام الشاشة، وما بتنتبهي قدّيه أكلتي.
- جرّبتي حميات كتير، وكل مرة بترجعي لنفس النقطة.
- بعد الأكل بيجي الذنب، وبتلومي حالك.
- تعبتي من إنك تحاربي الأكل، وبدك تكوني مرتاحة معه.
إذا لقيتي حالك بهالكلام، بدي أقلك: إنتِ مش لحالك، وهاد مش ضعف إرادة. الأكل العاطفي طريقة تعلّمها الدماغ ليرتاح شوي، واللي تعلّمناه فينا نفهمه ونغيّره بهدوء.
شو هو البرنامج؟
طريقة تفكير جديدة مع الأكل، مش حمية
«سلام مع الأكل» برنامج فردي مدّته 8 أسابيع، بركّز على فهم مشاعرك وسلوكك مع الأكل بدل الحميات وجداول الأكل. بنشتغل على التغذية السلوكية والعاطفية: ليش بتاكلي، ومتى، وشو بتحتاجي فعلاً بهاللحظة.
ما رح تلاقي هون
- خطة أكل جاهزة
- عدّ سعرات
- أكل ممنوع
- وعود بكيلوات
رح تلاقي هون
- تفهمي ليش بتاكلي
- تفرّقي بين الجوع الجسدي والعاطفي
- طرق تهدّي فيها حالك غير الأكل
- لطف مع حالك وخطوات صغيرة
ما بوعدك بنتيجة سحرية ولا برقم على الميزان. التغيير الحقيقي بياخد وقت، وبيجي خطوة صغيرة ورا خطوة. الهدف مش الكمال، الهدف السلام.
الرحلة
شو بصير بالـ8 أسابيع؟
تقييم وفهم نمطك
بنبدأ من قصتك مع الأكل، وبنفهم متى وكيف بصير الأكل العاطفي عندك.
الجوع الجسدي والجوع العاطفي
بتتعلمي تسمعي جسمك وتفرّقي بين الجوعين.
المحفّزات والمشاعر
شو المواقف والمشاعر اللي بتسبق الأكل، وكيف تسمّي شعورك.
بدائل تهدئة غير الأكل
منبني قائمتك الخاصة لتهدّي حالك بطرق تانية.
دائرة الحرمان والإفراط
ليش القوانين القاسية بترجّعنا للأكل الزايد، وكيف نطلع من الدائرة.
النوم والتوتر والرغبة بالحلو
كيف تعبك وتوترك بأثّروا على رغباتك، وخطوة صغيرة لكل واحد.
الحديث الداخلي وصورة الجسم
صوت ألطف مع حالك، وعلاقة فيها احترام أكتر لجسمك.
خطة الاستمرار والانتكاسة
خطتك لبعد البرنامج، وشو تعملي لما ترجع عادة قديمة.
شو بشمل؟
شو بتاخدي معي
جلسة تقييم بالبداية
بنبدأ بجلسة تقييم، لنفهم فيها نمطك وشو بدك يتغيّر، وعلى أساسها بنمشي.
8 جلسات زوم فردية
جلسة كل أسبوع، 45 دقيقة، بموعد ثابت بنتّفق عليه.
متابعة على الواتساب
من الأحد للخميس، بوقت ثابت بنتّفق عليه، لأسئلتك والمواقف الصعبة.
دفتر تمارين وورقة كل أسبوع
ورقة عمل بسيطة تطبّقي فيها فكرة الأسبوع، وتقييم ذاتي بالبداية والنهاية لتشوفي التغيير بعيونك.
بصراحة
لمين هالبرنامج؟
إلك إذا…
- بتاكلي لما تتوتري أو تزعلي أو تملّي، وإنتِ مش جوعانة.
- جرّبتي حميات كتير ورجعتي لنفس النقطة.
- بتحسّي بالذنب أو بتلومي حالك بعد الأكل.
- بدك علاقة هادية مع الأكل وجسمك، بدون قوانين قاسية.
مش إلك إذا…
- بدك حمية سريعة أو وعد بعدد كيلوات.
- بدك جدول أكل جاهز تمشي عليه بدون ما تفهمي ليش.
مين أنا؟
أهلاً، أنا حنين
أخصائية تغذية علاجية ومدربة حياة معتمدة بالإمارات
بشتغل مع الأكل العاطفي والوزن من خلال التغذية السلوكية والعاطفية، بدون حميات. صمّمت «سلام مع الأكل» لأني مؤمنة إنه الأكل العاطفي مش ضعف إرادة، وإنه بستاهل نفهمه بهدوء بدل ما نحاربه.
تابعيني على انستغرام@wellnessbyhaneenأسئلة بتوصلني كتير
أسئلة شائعة
هل هو حمية؟
لأ. ما في خطة أكل جاهزة، ولا عدّ سعرات، ولا أكل ممنوع. بنشتغل على ليش وكيف بتاكلي، مش على شو ممنوع. وما بوعدك بعدد كيلوات، لأنو التغيير السلوكي بختلف من وحدة لوحدة، ونجاحنا بنقاس بعلاقة أهدى مع الأكل.
البرنامج أونلاين؟
نعم، أونلاين. الجلسات على زوم والمتابعة على الواتساب، فبتقدري تشاركي من وين ما كنتِ.
قدّيه بياخد وقت بالأسبوع؟
جلسة وحدة 45 دقيقة، وورقة عمل بسيطة، وخطوة صغيرة كل يوم. وآخر الأسبوع 10 دقايق أسئلة تأمّل مع كاسة شاي.
وإذا رجعت لعاداتي القديمة؟
طبيعي، وهاد جزء من الطريق. الرجوع مش فشل، هو معلومة بنتعلّم منها. بنحكي عنه بالجلسة أو بالواتساب، وآخر أسبوع كله عن خطة الاستمرار وكيف تتعاملي مع الانتكاسة.
قدّيه السعر؟
بالخاص 🤎 ابعتيلي «أنا» على الواتساب وبحكيلك كل التفاصيل.
متى ببلّش؟
بعد جلسة التقييم، منحدّد سوا موعد ثابت بناسبك.
إذا حاسة إنو هالكلام إلك…
ابعتيلي «أنا» على الواتساب، وبنحكي سوا بهدوء عن قصتك، وإذا البرنامج مناسب إلك.
ابعتيلي «أنا» على الواتساب أو تابعيني على انستغرام @wellnessbyhaneen